bujhi bujhi hai sada-e-naghma kahin kahin hain rabab raushan
bujhī bujhī hai sadā-e-naġhma kahīñ kahīñ haiñ rabāb raushan
Thahar Thahar ke gire haiñ aañsū bikhar bikhar ke haiñ ḳhvāb raushan
savāl mab.hūt se khaḌe haiñ ki jaise sīnoñ meñ dil nahīñ haiñ
ufuq ke us paar jā ke dekho shikasta muztar javāb raushan
vo bekasī hai ki al-atash kī sadā.eñ ḳhāmosh ho ga.ī haiñ
kahāñ hai koī husain yaaro ki har taraf hai sarāb raushan
ajiib ġhamnāk haiñ havā.eñ lahū lahū hai fazā-e-gañgā
taḌaptī maujeñ shikasta kashtī bujhe diye aur habāb raushan
ġhulām gardish meñ hai añdherā hai dam-ba-ḳhud surḳh sā saverā
kafan pahan kar nikal chuke haiñ ġharīb 'bāqar' navāb-raushan
bujhi bujhi hai sada-e-naghma kahin kahin hain rabab raushan
Thahar Thahar ke gire hain aansu bikhar bikhar ke hain KHwab raushan
sawal mabhut se khaDe hain ki jaise sinon mein dil nahin hain
ufuq ke us par ja ke dekho shikasta muztar jawab raushan
wo bekasi hai ki al-atash ki sadaen KHamosh ho gai hain
kahan hai koi husain yaro ki har taraf hai sarab raushan
ajib ghamnak hain hawaen lahu lahu hai faza-e-ganga
taDapti maujen shikasta kashti bujhe diye aur habab raushan
ghulam gardish mein hai andhera hai dam-ba-KHud surKH sa sawera
kafan pahan kar nikal chuke hain gharib 'baqar' nawab-raushan
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
