bujhne na do charagh-e-wafa jagte raho

Mansoor Usmani

bujhne na do charagh-e-wafa jagte raho

Mansoor Usmani

MORE BYMansoor Usmani

    bujhne na do charāġh-e-vafā jāgte raho

    pāgal huī hai ab ke havā jāgte raho

    sajdoñ meñ hai ḳhulūs to phir chāñdnī ke saath

    utregā āñganoñ meñ ḳhudā jāgte raho

    alfāz so na jaa.eñ kitāboñ ko oḌh kar

    dānishvarān-e-qaum zarā jāgte raho

    kaisā ajiib shor hai bastī meñ āj-kal

    har ghar se aa rahī hai sadā jāgte raho

    pahle to us yaad ne sone nahīñ diyā

    phir us āhaToñ ne kahā jāgte raho

    phūloñ meñ ḳhushbuoñ meñ sitāroñ meñ chāñd meñ

    kholegā koī band-e-qabā jāgte raho

    tum bhī suno ki shahr-e-ḳhamoshāñ meñ raat din

    sannāTe de rahe haiñ sadā jāgte raho

    jab bhī qalam ko mere kabhī aa.iiñ jhapkiyāñ

    āñkhoñ ne āñsuoñ se likhā jāgte raho

    'mansūr' ratjage to muqaddar haiñ aap

    jab tak jale suḳhan diyā jāgte raho

    bujhne na do charagh-e-wafa jagte raho

    pagal hui hai ab ke hawa jagte raho

    sajdon mein hai KHulus to phir chandni ke sath

    utrega aanganon mein KHuda jagte raho

    alfaz so na jaen kitabon ko oDh kar

    danishwaran-e-qaum zara jagte raho

    kaisa ajib shor hai basti mein aaj-kal

    har ghar se aa rahi hai sada jagte raho

    pahle to us ki yaad ne sone nahin diya

    phir us ki aahaTon ne kaha jagte raho

    phulon mein KHushbuon mein sitaron mein chand mein

    kholega koi band-e-qaba jagte raho

    tum bhi suno ki shahr-e-KHamoshan mein raat din

    sannaTe de rahe hain sada jagte raho

    jab bhi qalam ko mere kabhi aain jhapkiyan

    aankhon ne aansuon se likha jagte raho

    'mansur' ratjage to muqaddar hain aap ka

    jab tak jale suKHan ka diya jagte raho

    Source :
    • Book : Kashmakash (Pg. 25)
    • Author : Mansoor Usmani
    • Publication : Najma House, Baradari, Moradabad (2007)
    • Edition : 2007
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY