bujhti hui aankhon ka akela wo diya tha

bujhtī huī āñkhoñ kā akelā vo diyā thā

hijrāñ kī kaḌī shab meñ aziyyat se laḌā thā

ruktā hī nahīñ tujh pe nigāhoñ kā tasalsul

kal shaam tire haath meñ kañgan bhī nayā thā

ik chashm-e-tavajjoh se udhaḌtā hī gayā thā

vo zaḳhm ki jis ko baḌī mehnat se siyā thā

bargad ke isī peḌ pe utreñge parinde

sailāb-zada ghar ke jo āñgan meñ khaḌā thā

darvesh kī kuTiyā ke ye lāshe pe banī hai

vīrān shikasta sī havelī pe likhā thā

tasvīr meñ us ko hī sar-e-bām dikhāyā

mazdūr zamāne ke jo paañv meñ paḌā thā

vo zaḳhm judā.ī kā bhalā kaise dikhegā

malba jo mire jism kā andar ko girā thā

'bābar' ho ki bahkā huā jhoñkā yā sitāra

terī hī galī meñ hameñ jaatā vo milā thā

bujhti hui aankhon ka akela wo diya tha

hijran ki kaDi shab mein aziyyat se laDa tha

rukta hi nahin tujh pe nigahon ka tasalsul

kal sham tere hath mein kangan bhi naya tha

ek chashm-e-tawajjoh se udhaDta hi gaya tha

wo zaKHm ki jis ko baDi mehnat se siya tha

bargad ke isi peD pe utrenge parinde

sailab-zada ghar ke jo aangan mein khaDa tha

darwesh ki kuTiya ke ye lashe pe bani hai

viran shikasta si haweli pe likha tha

taswir mein us ko hi sar-e-baam dikhaya

mazdur zamane ke jo panw mein paDa tha

wo zaKHm judai ka bhala kaise dikhega

malba jo mere jism ka andar ko gira tha

'babar' ho ki bahka hua jhonka ya sitara

teri hi gali mein hamein jata wo mila tha