bujhti mashal ki iltija jaise

bujhtī mash.al kī iltijā jaise

log ham ko mile havā jaise

koī insāñ nazar nahīñ aatā

har bashar ho gayā ḳhudā jaise

haath kashkol kī tarah paa.e

lab mile ham ko iltijā jaise

kar diyā hai ḳhudā-e-vāhid ne

band ham par dar-e-duā jaise

gard-ālūd aise socheñ haiñ

koī ehsās ho ḳhafā jaise

aksar auqāt aise kaam kiye

ham ne maaoñ kī bad-duā jaise

aise lagtā hai un se apnā 'nabīl'

TuuT jā.egā rābta jaise

bujhti mashal ki iltija jaise

log hum ko mile hawa jaise

koi insan nazar nahin aata

har bashar ho gaya KHuda jaise

hath kashkol ki tarah pae

lab mile hum ko iltija jaise

kar diya hai KHuda-e-wahid ne

band hum par dar-e-dua jaise

gard-alud aise sochen hain

koi ehsas ho KHafa jaise

aksar auqat aise kaam kiye

hum ne maon ki bad-dua jaise

aise lagta hai un se apna 'nabil'

TuT jaega rabta jaise