bulbul-e-rañgīñ-navā ḳhāmosh hai
baaġh kī saarī fazā ḳhāmosh hai
gul khilā.e us ne kyā kyā baaġh meñ
phir bhī kis darja sabā ḳhāmosh hai
aarzū jin kī thī mujh ko mil ga.e
ab zabān-e-iltijā ḳhāmosh hai
be-kasī ye kis ne lī terī panāh
gor kā kis kī diyā ḳhāmosh hai
shorish-e-dil shorish-e-mahshar nahīñ
zindagī apnī bhī kyā ḳhāmosh hai
sochtī hai jā ke ye barse kahāñ
mere ashkoñ kī ghaTā ḳhāmosh hai
kis ko jiine kī tamannā hai yahāñ
kyuuñ lab-e-mojiz-numā ḳhāmosh hai
husn-e-dilkash kā bhī kyā andāz hai
naaz goyā hai adā ḳhāmosh hai
hai yahāñ 'najmī' usī kā shor-o-ġhul
go ba-zāhir vo sadā ḳhāmosh hai
bulbul-e-rangin-nawa KHamosh hai
bagh ki sari faza KHamosh hai
gul khilae us ne kya kya bagh mein
phir bhi kis darja saba KHamosh hai
aarzu jin ki thi mujh ko mil gae
ab zaban-e-iltija KHamosh hai
be-kasi ye kis ne li teri panah
gor ka kis ki diya KHamosh hai
shorish-e-dil shorish-e-mahshar nahin
zindagi apni bhi kya KHamosh hai
sochti hai ja ke ye barse kahan
mere ashkon ki ghaTa KHamosh hai
kis ko jine ki tamanna hai yahan
kyun lab-e-mojiz-numa KHamosh hai
husn-e-dilkash ka bhi kya andaz hai
naz goya hai ada KHamosh hai
hai yahan 'najmi' usi ka shor-o-ghul
go ba-zahir wo sada KHamosh hai
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.