bulbul KHarab-o-KHwar hui yun chaman ko chhoD

bulbul ḳharāb-o-ḳhvār huī yuuñ chaman ko chhoḌ

āvāra juuñ phire koī apne vatan ko chhoḌ

ik roz maiñ ne us but-e-ayyār se kahā

lag jā gale se roz ke tū makr-o-fan ko chhoḌ

lailā ko kyā milā na milī qais se agar

shīrīñ ne kyā husūl kiyā kohkan ko chhoḌ

be-tāb-o-be-qarār kī hotī hai aah bad

kahne ko mere maan tū is bāñkpan ko chhoḌ

bolā ki chuTkiyoñ meñ uḌā.ūñgā jab talak

uḌ jaa.e murġh-e-rūh na tere badan ko chhoḌ

bulbul KHarab-o-KHwar hui yun chaman ko chhoD

aawara jun phire koi apne watan ko chhoD

ek roz main ne us but-e-ayyar se kaha

lag ja gale se roz ke tu makr-o-fan ko chhoD

laila ko kya mila na mili qais se agar

shirin ne kya husul kiya kohkan ko chhoD

be-tab-o-be-qarar ki hoti hai aah bad

kahne ko mere man tu is bankpan ko chhoD

bola ki chuTkiyon mein uDaunga jab talak

uD jae murgh-e-ruh na tere badan ko chhoD