برا کیا کر نہیں سکتے ہیں لیکن ہم نہیں کرتے
برا کیا کر نہیں سکتے ہیں لیکن ہم نہیں کرتے
خطا کیا کر نہیں سکتے ہیں لیکن ہم نہیں کرتے
تیرے ظلم و تشدد کا تیری شعلہ بیانی کا
گلہ کیا کر نہیں سکتے ہیں لیکن ہم نہیں کرتے
ہم اپنی نسل کے اس زرد اور سوکھے گلستاں کو
ہرا کیا کر نہیں سکتے ہیں لیکن ہم نہیں کرتے
ہماری دسترس میں ہے بھلائی پھر غریبوں کا
بھلا کیا کر نہیں سکتے ہیں لیکن ہم نہیں کرتے
دلوں سے ہر وہ خواہش جو ہمیں برباد کرتی ہے
جدا کیا کر نہیں سکتے ہیں لیکن ہم نہیں کرتے
بہم نفرت کے ناسوروں کی جو سینوں میں پلتے ہیں
دوا کیا کر نہیں سکتے ہیں لیکن ہم نہیں کرتے
ہم اپنے خون سے کر کے وضو اب بھی نماز حق
ادا کیا کر نہیں سکتے ہیں لیکن ہم نہیں کرتے
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
