bura kya kar nahin sakte hain lekin hum nahin karte

burā kyā kar nahīñ sakte haiñ lekin ham nahīñ karte

ḳhatā kyā kar nahīñ sakte haiñ lekin ham nahīñ karte

tere zulm-o-tashaddud kā terī shola-bayānī kā

gila kyā kar nahīñ sakte haiñ lekin ham nahīñ karte

ham apnī nasl ke is zard aur sūkhe gulistāñ ko

harā kyā kar nahīñ sakte haiñ lekin ham nahīñ karte

hamārī dastaras meñ hai bhalā.ī phir ġharīboñ kā

bhalā kyā kar nahīñ sakte haiñ lekin ham nahīñ karte

diloñ se har vo ḳhvāhish jo hameñ barbād kartī hai

judā kyā kar nahīñ sakte haiñ lekin ham nahīñ karte

baham nafrat ke nāsūroñ kī jo sīnoñ meñ palte haiñ

davā kyā kar nahīñ sakte haiñ lekin ham nahīñ karte

ham apne ḳhuun se kar ke vuzū ab bhī namāz-e-haq

adā kyā kar nahīñ sakte haiñ lekin ham nahīñ karte

bura kya kar nahin sakte hain lekin hum nahin karte

KHata kya kar nahin sakte hain lekin hum nahin karte

tere zulm-o-tashaddud ka teri shola-bayani ka

gila kya kar nahin sakte hain lekin hum nahin karte

hum apni nasl ke is zard aur sukhe gulistan ko

hara kya kar nahin sakte hain lekin hum nahin karte

hamari dastaras mein hai bhalai phir gharibon ka

bhala kya kar nahin sakte hain lekin hum nahin karte

dilon se har wo KHwahish jo hamein barbaad karti hai

juda kya kar nahin sakte hain lekin hum nahin karte

baham nafrat ke nasuron ki jo sinon mein palte hain

dawa kya kar nahin sakte hain lekin hum nahin karte

hum apne KHun se kar ke wuzu ab bhi namaz-e-haq

ada kya kar nahin sakte hain lekin hum nahin karte