but-e-be-dard ka gham monis-e-hijran nikla

but-e-be-dard kā ġham monis-e-hijrāñ niklā

dard jaanā thā jise ham ne vo darmāñ niklā

aañkh jab band huī tab khulīñ āñkheñ apnī

bazm-e-yārāñ jise samjhe the vo zindāñ niklā

hasrat-o-yās kā amboh fuġhāñ kī kasrat

maiñ tirī bazm se kyā bā-sar-o-sāmāñ niklā

ḳhuun ho kar to ye dil aañkh se barsoñ Tapkā

na koī par dil-e-nākām kā armāñ niklā

aa.ina paikar-e-tasvīr nigāh-e-mushtāq

jise dekhā tirī mahfil meñ vo hairāñ niklā

mujh ko hairat hai huā kyā dam-e-ruḳhsat hamdam

jaan niklī mire pahlū se ki jānāñ niklā

ḳhuub dozaḳh kī musībat se bache ham 'hasrat'

is kā dāroġha vahī yaar kā darbāñ niklā

but-e-be-dard ka gham monis-e-hijran nikla

dard jaana tha jise hum ne wo darman nikla

aankh jab band hui tab khulin aankhen apni

bazm-e-yaran jise samjhe the wo zindan nikla

hasrat-o-yas ka amboh fughan ki kasrat

main teri bazm se kya ba-sar-o-saman nikla

KHun ho kar to ye dil aankh se barson Tapka

na koi par dil-e-nakaam ka arman nikla

aaina paikar-e-taswir nigah-e-mushtaq

jise dekha teri mahfil mein wo hairan nikla

mujh ko hairat hai hua kya dam-e-ruKHsat hamdam

jaan nikli mere pahlu se ki jaanan nikla

KHub dozaKH ki musibat se bache hum 'hasrat'

is ka darogha wahi yar ka darban nikla