but-parasti ne kiya aashiq-e-yazdan mujhko

but-parastī ne kiyā āshiq-e-yazdāñ mujh ko

parda-e-kufr meñ hāsil huā īmāñ mujh ko

ab dar-e-andāzī-e-aġhyār nahīñ chal saktī

ḳhuub pahchānte haiñ yaar ke darbāñ mujh ko

ḳhāl-e-ruḳh ḳhizr-e-rah-e-kufr na hotā jo tirā

daam meñ lā hī chuke the ye musalmāñ mujh ko

jis meñ kuchh hotī hai ummīd-e-visāl-e-ma.asūq

itnī khaltī nahīñ vo gardish-e-daurāñ mujh ko

ye na ma.alūm thā is rañg se aa.egī bahār

tauba-e-mai ne kiyā saḳht pashemāñ mujh ko

ishq ne mansab-e-ushshāq jo taqsīm kiye

baaġh bulbul ko diyā kūcha-e-jānāñ mujh ko

dil-jalā maiñ huuñ vo āshiq ki shab-e-hijr 'qalaq'

sham.a bhī rone lage dekh ke giryāñ mujh ko

but-parasti ne kiya aashiq-e-yazdan mujh ko

parda-e-kufr mein hasil hua iman mujh ko

ab dar-e-andazi-e-aghyar nahin chal sakti

KHub pahchante hain yar ke darban mujh ko

KHal-e-ruKH KHizr-e-rah-e-kufr na hota jo tera

dam mein la hi chuke the ye musalman mujh ko

jis mein kuchh hoti hai ummid-e-visal-e-masuq

itni khalti nahin wo gardish-e-dauran mujh ko

ye na malum tha is rang se aaegi bahaar

tauba-e-mai ne kiya saKHt pasheman mujh ko

ishq ne mansab-e-ushshaq jo taqsim kiye

bagh bulbul ko diya kucha-e-jaanan mujh ko

dil-jala main hun wo aashiq ki shab-e-hijr 'qalaq'

shama bhi rone lage dekh ke giryan mujh ko