بتان دہر کی ہر ہر ادا رنگین ہوتی ہے

بتان دہر کی ہر ہر ادا رنگین ہوتی ہے

حسین صورت کوئی ہو قابل تحسین ہوتی ہے

زمین شعر جب اس کو عطا رنگین ہوتی ہے

طبیعت شاعر فطرت کی کیوں غمگین ہوتی ہے

طبیعت مضطرب بے چین اور غمگین ہوتی ہے

مگر ایفائے وعدہ پر ہی کچھ تسکین ہوتی ہے

ہمیشہ خون ہی ہوتا رہا جذبات الفت کا

رفاقت حسن والوں کی بڑی سنگین ہوتی ہے

یہ مانا موسم گل ہے مگر دامن نہ پھاڑ اپنا

ارے دیوانے اس میں عشق کی توہین ہوتی ہے

جگہ دیں لاکھ آنکھوں میں شفیعؔ مے خوار مے خانہ

مگر پھر بھی جناب شیخ کی توہین ہوتی ہے