buton ki majlis mein shab ko mah-ru jo aur Tuk bhi qayam karta
buton ki majlis mein shab ko mah-ru jo aur Tuk bhi qayam karta
Nazeer Akbarabadi
MORE BYNazeer Akbarabadi
butoñ kī majlis meñ shab ko mah-rū jo aur Tuk bhī qayām kartā
kunisht vīrāñ sanam ko banda brahmnoñ ko ġhulām kartā
ḳharāb ḳhasta samajh ke tū ne piyāre mujh ko abas nikālā
jo rahne detā tū gul-ruḳhoñ meñ qasam hai merī maiñ naam kartā
karoḌoñ dil jo mue paḌe haiñ nikalte ḳhūnīñ kafan se nālāñ
qayāmat aa jaatī jo vo qāmat galī meñ apnī ḳhirām kartā
na itne qisse na jañg hotī piyāre tere milāp uupar
raqīb aapī se zahr khāne jo vasl kā tū payām kartā
vo sarv-qāmat jo muskurā kar chaman meñ jaatā to muskurā kar
taḌaptī bulbul sisaktī qumrī guloñ pe hañsnā harām kartā
bhalā huā jo naqāb tū ne uThāyā chehre se hai parī-rū
vagarna siine se dil taḌap kar nigah meñ aa kar maqām kartā
jo zulfeñ mukhḌe pe khol detā sanam hamārā to phir ye gardūñ
na din dikhātā na shab bitātā na sub.h laatā na shaam kartā
vo bazm apnī thī mai-ḳhurī kī farishte ho jaate mast be-ḳhud
jo shaiḳh-jī vaañ se bach ke aate to phir maiñ un ko salām kartā
'nazīr' terī ishāratoñ se ye bāteñ ġhairoñ kī sun rahā hai
vagarna kis meñ thī tāb-o-tāqat jo us se aa kar kalām kartā
buton ki majlis mein shab ko mah-ru jo aur Tuk bhi qayam karta
kunisht viran sanam ko banda brahmnon ko ghulam karta
KHarab KHasta samajh ke tu ne piyare mujh ko abas nikala
jo rahne deta tu gul-ruKHon mein qasam hai meri main nam karta
karoDon dil jo mue paDe hain nikalte KHunin kafan se nalan
qayamat aa jati jo wo qamat gali mein apni KHiram karta
na itne qisse na jang hoti piyare tere milap upar
raqib aapi se zahr khane jo wasl ka tu payam karta
wo sarw-qamat jo muskura kar chaman mein jata to muskura kar
taDapti bulbul sisakti qumri gulon pe hansna haram karta
bhala hua jo naqab tu ne uThaya chehre se hai pari-ru
wagarna sine se dil taDap kar nigah mein aa kar maqam karta
jo zulfen mukhDe pe khol deta sanam hamara to phir ye gardun
na din dikhata na shab bitata na subh lata na sham karta
wo bazm apni thi mai-KHuri ki farishte ho jate mast be-KHud
jo shaiKH-ji wan se bach ke aate to phir main un ko salam karta
'nazir' teri ishaaraton se ye baaten ghairon ki sun raha hai
wagarna kis mein thi tab-o-taqat jo us se aa kar kalam karta
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.