بتوں کو دیکھتے ہی آ گیا دل

بتوں کو دیکھتے ہی آ گیا دل

نہ سوچا ابتدا میں انتہا دل

حسینو ہے ابھی ناداں میرا دل

سمجھتا کچھ نہیں اچھا برا دل

مرے بس میں اگر ہوتا مرا دل

نہ ہوتا یوں بتوں کا مبتلا دل

یہ حسرت ہے گلا ہو زیر خنجر

کسی سے کر رہا ہو سامنا دل

بتوں کو دیکھ کر ہو جائے مائل

دیا تھا کیوں مجھے ایسا خدا دل

سر محفل کسی سے لڑ گئی آنکھ

کسی سے کر رہا ہے سامنا دل

وہ شکوہ کر کے یوں کہتے ہیں سیافؔ

کسی سے اور ہے تیرا لگا دل