bu-e-KHush ki tarah har samt bikhar jaunga

bū-e-ḳhush kī tarah har samt bikhar jā.ūñgā

āhanī hāthoñ se ab koī dabā de mujh ko

maiñ to muddat se chalā aatā huuñ pīchhe pīchhe

gardish-e-vaqt kabhī ruk ke sadā de mujh ko

din to saarā hī kaTā misl-e-charāġh-e-kushta

garmī-e-jism sar-e-shām jalā de mujh ko

tum mujhe dekh ke jo baat kabhī kah na sake

kyā ye mumkin nahīñ ā.īna batā de mujh ko

jin ko paane se haqīqat bhī fasāna ban jaa.e

ab 'sabā' aise sarāboñ kā patā de mujh ko

bu-e-KHush ki tarah har samt bikhar jaunga

aahani hathon se ab koi daba de mujh ko

main to muddat se chala aata hun pichhe pichhe

gardish-e-waqt kabhi ruk ke sada de mujh ko

din to sara hi kaTa misl-e-charagh-e-kushta

garmi-e-jism sar-e-sham jala de mujh ko

tum mujhe dekh ke jo baat kabhi kah na sake

kya ye mumkin nahin aaina bata de mujh ko

jin ko pane se haqiqat bhi fasana ban jae

ab 'saba' aise sarabon ka pata de mujh ko