bu-e-nasim se kabhi baad-e-shimal se

bū-e-nasīm se kabhī bād-e-shimāl se

kasb-e-nashāt kartā huuñ tere jamāl se

jāñ-dāda-e-latāfat-e-zikr-e-habīb ko

raġhbat nahīñ fasāna-e-jāh-o-jalāl se

us husn-e-be-hijāb kī shādābiyāñ na pūchh

goyā ki be-niyāz hai fikr-e-ma.āl se

ye aish kaash ishrat-e-jāved ho sake

pahlū meñ dil dhaḌaktā hai ḳhauf-e-zavāl se

jal uThte haiñ hasīn diye ārzūoñ ke

aivān-e-ġham meñ aaj bhī tere ḳhayāl se

gah gah miTātā huuñ ġham-e-daurāñ kī talḳhiyāñ

yāqūt-rang hoñToñ ke āb-e-zulāl se

mahtāb-vash nikhartī haiñ afsurda shoḳhiyāñ

us chehra-e-sabīh pe aks-e-malāl se

bu-e-nasim se kabhi baad-e-shimal se

kasb-e-nashat karta hun tere jamal se

jaan-dada-e-latafat-e-zikr-e-habib ko

raghbat nahin fasana-e-jah-o-jalal se

us husn-e-be-hijab ki shadabiyan na puchh

goya ki be-niyaz hai fikr-e-maal se

ye aish kash ishrat-e-jawed ho sake

pahlu mein dil dhaDakta hai KHauf-e-zawal se

jal uThte hain hasin diye aarzuon ke

aiwan-e-gham mein aaj bhi tere KHayal se

gah gah miTata hun gham-e-dauran ki talKHiyan

yaqut-rang honTon ke aab-e-zulal se

mahtab-wash nikharti hain afsurda shoKHiyan

us chehra-e-sabih pe aks-e-malal se