chaha bayan karun jon hai mere KHayal mein

chāhā bayāñ karūñ joñ hai mere ḳhayāl meñ

ma.anī ulajh ke rah ga.e lafzoñ ke jaal meñ

jiitā hai kaun bahs meñ mūrakh se aaj tak

be-kār kyuuñ ulajhte ho tum qīl-o-qāl meñ

le jaane vaale luuT ke sab kuchh chale ga.e

ham sochte hī rah ga.e kaalā hai daal meñ

mumkin hai un ke dar se Takā sā mile javāb

lekin na hichkichā.iye apne savāl meñ

rishte kī baat kaun kisī se kare yahāñ

apnā banā ke log phañsāte haiñ jaal meñ

phūloñ kā dil kalī kī tamannā mirī duā

kaam aa.e rañg ban ke tumhāre jamāl meñ

rakhte haiñ naap tol ke vo har qadam 'shamīm'

pyārī lage hai un kī adā TeḌhī chaal meñ

chaha bayan karun jon hai mere KHayal mein

mani ulajh ke rah gae lafzon ke jal mein

jita hai kaun bahs mein murakh se aaj tak

be-kar kyun ulajhte ho tum qil-o-qal mein

le jaane wale luT ke sab kuchh chale gae

hum sochte hi rah gae kala hai dal mein

mumkin hai un ke dar se Taka sa mile jawab

lekin na hichkichaiye apne sawal mein

rishte ki baat kaun kisi se kare yahan

apna bana ke log phansate hain jal mein

phulon ka dil kali ki tamanna meri dua

kaam aae rang ban ke tumhaare jamal mein

rakhte hain nap tol ke wo har qadam 'shamim'

pyari lage hai un ki ada TeDhi chaal mein