chahat agar hai aap ki ho jaan-nisar dost

chāhat agar hai aap kī ho jāñ-nisār dost

honā paḌegā aap ko bhī ġham-gusār dost

tū bhī fareb-o-makr kā hogā shikār dost

varna riyā kā jism se cholā utaar dost

milte haiñ is jahān meñ yuuñ to hazār dost

hotā nahīñ hai sab pe magar e'tibār dost

makr-o-fareb kizb-o-riyā kā ye daur hai

kaise kisī pe koī kare e'tibār dost

chāhe Dubo de ziist kī kashtī yā paar kar

ham ne to de diyā hai tujhe iḳhtiyār dost

is daur-e-pur-fareb meñ 'dānish' muhāl hai

kar lenā e'tibār ke qābil shumār dost

chahat agar hai aap ki ho jaan-nisar dost

hona paDega aap ko bhi gham-gusar dost

tu bhi fareb-o-makr ka hoga shikar dost

warna riya ka jism se chola utar dost

milte hain is jahan mein yun to hazar dost

hota nahin hai sab pe magar e'tibar dost

makr-o-fareb kizb-o-riya ka ye daur hai

kaise kisi pe koi kare e'tibar dost

chahe Dubo de zist ki kashti ya par kar

hum ne to de diya hai tujhe iKHtiyar dost

is daur-e-pur-fareb mein 'danish' muhaal hai

kar lena e'tibar ke qabil shumar dost