چاہت اگر ہے آپ کی ہو جاں نثار دوست

چاہت اگر ہے آپ کی ہو جاں نثار دوست

ہونا پڑے گا آپ کو بھی غم گسار دوست

تو بھی فریب و مکر کا ہوگا شکار دوست

ورنہ ریا کا جسم سے چولا اتار دوست

ملتے ہیں اس جہان میں یوں تو ہزار دوست

ہوتا نہیں ہے سب پہ مگر اعتبار دوست

مکر و فریب کذب و ریا کا یہ دور ہے

کیسے کسی پہ کوئی کرے اعتبار دوست

چاہے ڈبو دے زیست کی کشتی یا پار کر

ہم نے تو دے دیا ہے تجھے اختیار دوست

اس دور پر فریب میں دانشؔ محال ہے

کر لینا اعتبار کے قابل شمار دوست