chahaton ke zawal par chup hun

chāhatoñ ke zavāl par chup huuñ

dil ke har ik malāl par chup huuñ

de ga.e dhoka jo mohabbat meñ

maiñ to un ke kamāl par chup huuñ

de sake naañ javāb tum jis kā

aaj bhī us savāl par chup huuñ

tum ko chāhat kī chaah māregī

haa.e tote kī faal par chup huuñ

kyā kahūñ tujh se ai mire hamdam

maiñ to apnoñ kī chaal par chup huuñ

jab qalam kī ravāniyāñ dekhīñ

us ke lafzoñ ke jaal par chup huuñ

aks us kā mujhe dikhātā hai

aa.ine ke ḳhayāl par chup huuñ

ābgīna hai TuuT jā.egā

dil kī aisī misāl par chup huuñ

jab corona kī hai vabā phailī

dard ke aise saal par chup huuñ

man kā panchhī ye 'shāz' kahtā hai

maiñ mohabbat kī Daal par chup huuñ

chahaton ke zawal par chup hun

dil ke har ek malal par chup hun

de gae dhoka jo mohabbat mein

main to un ke kamal par chup hun

de sake nan jawab tum jis ka

aaj bhi us sawal par chup hun

tum ko chahat ki chah maregi

hae tote ki fal par chup hun

kya kahun tujh se ai mere hamdam

main to apnon ki chaal par chup hun

jab qalam ki rawaniyan dekhin

us ke lafzon ke jal par chup hun

aks us ka mujhe dikhata hai

aaine ke KHayal par chup hun

aabgina hai TuT jaega

dil ki aisi misal par chup hun

jab corona ki hai waba phaili

dard ke aise sal par chup hun

man ka panchhi ye 'shaz' kahta hai

main mohabbat ki Dal par chup hun