chahe mano bura hum nahin mante

chāhe maano burā ham nahīñ mānte

pattharoñ ko ḳhudā ham nahīñ mānte

jis ke hone na hone kī tasdīq ho

us ḳhudā ko ḳhudā ham nahīñ mānte

mānte haiñ use jo dikhā.ī na de

aur koī ḳhudā ham nahīñ mānte

chāhe kitnā hī mushkil ho jiinā use

zindagī ko sazā ham nahīñ mānte

apne a.amāl kī bhī hai kuchh to ḳhatā

sab hai rab kī razā ham nahīñ mānte

ham ko ḳhud bhī nahīñ kuchh patā dosto

mānte bhī haiñ yā ham nahīñ mānte

mānte haiñ burī ādatoñ kā burā

ġhalatiyoñ kā burā ham nahīñ mānte

ham samajhte haiñ sar par chaḌhānā burā

pyaar kā to burā ham nahīñ mānte

mai ke piine se kitnī bhī rāhat mile

mai kā piinā bajā ham nahīñ mānte

dosh de sakte haiñ apnī taqdīr ko

yaar ko bevafā ham nahīñ mānte

maan sakte haiñ ham us ko ik ḳhauf hī

kuchh hai rab se baḌā ham nahīñ mānte

kyoñ yahī kuchh hī 'parvāz' aksar kaho

maiñ nahīñ māntā ham nahīñ mānte

chahe mano bura hum nahin mante

pattharon ko KHuda hum nahin mante

jis ke hone na hone ki tasdiq ho

us KHuda ko KHuda hum nahin mante

mante hain use jo dikhai na de

aur koi KHuda hum nahin mante

chahe kitna hi mushkil ho jina use

zindagi ko saza hum nahin mante

apne aamal ki bhi hai kuchh to KHata

sab hai rab ki raza hum nahin mante

hum ko KHud bhi nahin kuchh pata dosto

mante bhi hain ya hum nahin mante

mante hain buri aadaton ka bura

ghalatiyon ka bura hum nahin mante

hum samajhte hain sar par chaDhana bura

pyar ka to bura hum nahin mante

mai ke pine se kitni bhi rahat mile

mai ka pina baja hum nahin mante

dosh de sakte hain apni taqdir ko

yar ko bewafa hum nahin mante

man sakte hain hum us ko ek KHauf hi

kuchh hai rab se baDa hum nahin mante

kyon yahi kuchh hi 'parwaz' aksar kaho

main nahin manta hum nahin mante