chahe tu shauq se mujhe wahshat-e-dil shikar kar

chāhe tū shauq se mujhe vahshat-e-dil shikār kar

apnoñ se kaT chukā huuñ maiñ apnī anā ubhār kar

jin ko kahā na jā sakā jin ko sunā nahīñ gayā

vo bhī haiñ kuchh hikāyateñ un ko bhī tū shumār kar

ḳhud ko aziyyateñ na de mujh ko aziyyateñ na de

ḳhud pe bhī iḳhtiyār rakh mujh pe bhī e'tibār kar

us ke yaqīn-e-husn kā husn-e-yaqīñ to dekhiye

ā.īna dekhtā hai vo apnī nazar utaar kar

rāheñ rafīq-e-rāh ke shauq kā imtihān haiñ

jis meñ safar tavīl ho rasta vo iḳhtiyār kar

terī zamīñ nasīb ne tere hunar ko sauñp dī

ḳhvāh chaman banā use ḳhvāh tū regzār kar

'anjum' abhī haiñ raah meñ shab kī kaḌī masāfateñ

mahr falak pe rah gayā din kā safar guzār kar

chahe tu shauq se mujhe wahshat-e-dil shikar kar

apnon se kaT chuka hun main apni ana ubhaar kar

jin ko kaha na ja saka jin ko suna nahin gaya

wo bhi hain kuchh hikayaten un ko bhi tu shumar kar

KHud ko aziyyaten na de mujh ko aziyyaten na de

KHud pe bhi iKHtiyar rakh mujh pe bhi e'tibar kar

us ke yaqin-e-husn ka husn-e-yaqin to dekhiye

aaina dekhta hai wo apni nazar utar kar

rahen rafiq-e-rah ke shauq ka imtihan hain

jis mein safar tawil ho rasta wo iKHtiyar kar

teri zamin nasib ne tere hunar ko saunp di

KHwah chaman bana use KHwah tu regzar kar

'anjum' abhi hain rah mein shab ki kaDi masafaten

mahr falak pe rah gaya din ka safar guzar kar