chahna ye hai jo hum dil-zadagan chahte hain

chāhnā ye hai jo ham dil-zadagāñ chāhte haiñ

naf.a matlūb hai aisā ki ziyāñ chāhte haiñ

lutf-e-yak-jur.a se aise meñ banegā kyā kaam

daur-e-avval meñ to ham ratl-s-girāñ chāhte haiñ

chāhte haiñ jo vo hotā nahīñ ham se be-uzr

aur be-uzr jo hotā hai kahāñ chāhte haiñ

kāvish-e-aql se khulte nahīñ dil ke uqde

ye to vo gul haiñ jo khilte haiñ jahāñ chāhte haiñ

sub.h-e-kāzib haiñ siyah-dil ye sabīhān-e-savād

ham hī saada haiñ ki us vaqt azaañ chāhte haiñ

chahna ye hai jo hum dil-zadagan chahte hain

nafa matlub hai aisa ki ziyan chahte hain

lutf-e-yak-jura se aise mein banega kya kaam

daur-e-awwal mein to hum ratl-s-giran chahte hain

chahte hain jo wo hota nahin hum se be-uzr

aur be-uzr jo hota hai kahan chahte hain

kawish-e-aql se khulte nahin dil ke uqde

ye to wo gul hain jo khilte hain jahan chahte hain

subh-e-kazib hain siyah-dil ye sabihan-e-sawad

hum hi sada hain ki us waqt azan chahte hain