chahta hun intiha-e-dard-e-dil
chāhtā huuñ intihā-e-dard-e-dil
mil ga.ī āḳhir davā-e-dard-e-dil
kyā zarūrī thī davā-e-dard-e-dil
sun to lete mājrā-e-dard-e-dil
ishq kī vaj.h-e-nadāmat kuchh na pūchh
dil hai pahlū meñ ba-jā-e-dard-e-dil
jis ko dil lene pe itnā naaz hai
kaash hotā āshnā-e-dard-e-dil
yuuñ nahīñ miTne kī 'aḳhtar' ye ḳhalish
dil kahīñ aa.e to jā-e-dard-e-dil
chahta hun intiha-e-dard-e-dil
mil gai aaKHir dawa-e-dard-e-dil
kya zaruri thi dawa-e-dard-e-dil
sun to lete majra-e-dard-e-dil
ishq ki wajh-e-nadamat kuchh na puchh
dil hai pahlu mein ba-ja-e-dard-e-dil
jis ko dil lene pe itna naz hai
kash hota aashna-e-dard-e-dil
yun nahin miTne ki 'aKHtar' ye KHalish
dil kahin aae to ja-e-dard-e-dil
- Book : Kufr-o-iman (Pg. 85)
- Author : Hari chand Akhtar
- Publication : Satpaal, kucha Khakan Urdu Bazar- Delhi
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
