chaak-e-daman-o-gireban pe hansi aati hai

chāk-e-dāmāñ-o-girebāñ pe hañsī aatī hai

kaise insāñ ho ki insāñ pe hañsī aatī hai

tum ki har manzil-e-dushvār se haT jaate ho

ham ki har manzil-e-āsāñ pe hañsī aatī hai

ye banā.e hue rañg aur ye tarāshe hue phuul

mujh ko is jashn-e-bahārāñ pe hañsī aatī hai

raat ik zulf-e-pareshāñ ke liye rotā huuñ

sub.h har ḳhvāb-e-pareshāñ pe hañsī aatī hai

ham ko ik khel haiñ ye tauq-o-salāsil sayyād

ham ko zindāñ meñ bhī zindāñ pe hañsī aatī hai

chaak-e-daman-o-gireban pe hansi aati hai

kaise insan ho ki insan pe hansi aati hai

tum ki har manzil-e-dushwar se haT jate ho

hum ki har manzil-e-asan pe hansi aati hai

ye banae hue rang aur ye tarashe hue phul

mujh ko is jashn-e-bahaaran pe hansi aati hai

raat ek zulf-e-pareshan ke liye rota hun

subh har KHwab-e-pareshan pe hansi aati hai

hum ko ek khel hain ye tauq-o-salasil sayyaad

hum ko zindan mein bhi zindan pe hansi aati hai