chaal ek aisi chali har shaKHs sidha ho gaya
chaal ik aisī chalī har shaḳhs sīdhā ho gayā
baat bas itnī ki maiñ thoḌā sā tirchhā ho gayā
log bole ab nayā ho jā purānā-pan utaar
maiñ bhī kyā kartā sar-e-bāzār nañgā ho gayā
us janam meñ phir mujhe vaisī hī gumnāmī milī
ittifāq aisā ki phir us ghar meñ paidā ho gayā
TuuT kar taare gire kal shab marī dahlīz par
us kī bhī āñkheñ ga.iiñ aur maiñ bhī andhā ho gayā
chhe dinoñ tak shahr meñ ghūmā vo bachchoñ kī tarah
sātveñ din jab vo ghar pahuñchā to būḌhā ho gayā
do dinoñ meñ ham zarā kuchh aur lambe ho ga.e
qad hamāre dostoñ kā aur chhoTā ho gayā
chal diye duniyā se ham 'pāshī' sabhī kuchh tyaag kar
aur hamāre saath hī ik daur puurā ho gayā
chaal ek aisi chali har shaKHs sidha ho gaya
baat bas itni ki main thoDa sa tirchha ho gaya
log bole ab naya ho ja purana-pan utar
main bhi kya karta sar-e-bazar nanga ho gaya
us janam mein phir mujhe waisi hi gumnami mili
ittifaq aisa ki phir us ghar mein paida ho gaya
TuT kar tare gire kal shab mari dahliz par
us ki bhi aankhen gain aur main bhi andha ho gaya
chhe dinon tak shahr mein ghuma wo bachchon ki tarah
satwen din jab wo ghar pahuncha to buDha ho gaya
do dinon mein hum zara kuchh aur lambe ho gae
qad hamare doston ka aur chhoTa ho gaya
chal diye duniya se hum 'pashi' sabhi kuchh tyag kar
aur hamare sath hi ek daur pura ho gaya
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
