chaalis sal musalsal ho gae
chālīs saal musalsal ho ga.e
ab mere baazū shal ho ga.e
maiñ bhī zarā sustā luuñ lekin
bāġh-o-bayābāñ jal thal ho ga.e
hijr kī rātoñ ke sannāTe
us kī aañkh kā kājal ho ga.e
us ke gesū ke saa.e meñ
azal abad pal do pal ho ga.e
ḳhvāboñ ke sab rang bikhar kar
us kī chhat ke bādal ho ga.e
sar kyā phoḌnā dīvāroñ se
sab darvāze muqaffal ho ga.e
khul kar sāmne aa ga.e qātil
shahr ke kūche maqtal ho ga.e
aañkh uThā kar dekhā us ne
aur saare 'uqde hal ho ga.e
kuchh bhī samajh meñ 'zeb' na aayā
sochte-sochte pāgal ho ga.e
chaalis sal musalsal ho gae
ab mere bazu shal ho gae
main bhi zara susta lun lekin
bagh-o-bayaban jal thal ho gae
hijr ki raaton ke sannaTe
us ki aankh ka kajal ho gae
us ke gesu ke sae mein
azal abad pal do pal ho gae
KHwabon ke sab rang bikhar kar
us ki chhat ke baadal ho gae
sar kya phoDna diwaron se
sab darwaze muqaffal ho gae
khul kar samne aa gae qatil
shahr ke kuche maqtal ho gae
aankh uTha kar dekha us ne
aur sare 'uqde hal ho gae
kuchh bhi samajh mein 'zeb' na aaya
sochte-sochte pagal ho gae
- Book : Dheemi Aanch ka Sitaara (Pg. 62)
- Author : Zeb Ghauri
- Publication : Rekhta Publications (2023)
- Edition : First
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
