chand dekha ki bas wo yaad aae

chāñd dekhā ki bas vo yaad aa.e

aur āñkhoñ ne ashk barsā.e

ye qafas hai ki āshiyāñ to nahīñ

jī qafas meñ na kaise ghabrā.e

mujh ko āḳhir qafas meñ lā Daalā

vaah sayyād-e-sā.iburrā.e

din-dahāḌe Darāte rahte haiñ

āj-kal ḳhud mujhe mire saa.e

mujh ko apnā banā ke chhoḌ diyā

tum ne ye kyā ġhazab kiyā haa.e

chand dekha ki bas wo yaad aae

aur aankhon ne ashk barsae

ye qafas hai ki aashiyan to nahin

ji qafas mein na kaise ghabrae

mujh ko aaKHir qafas mein la Dala

wah sayyaad-e-saiburrae

din-dahaDe Daraate rahte hain

aaj-kal KHud mujhe mere sae

mujh ko apna bana ke chhoD diya

tum ne ye kya ghazab kiya hae