chand ho jis tarah sitaron mein

chāñd ho jis tarah sitāroñ meñ

munfarid hai vo māh-pāroñ meñ

jo bhī uTThī nigāh terī taraf

ho ga.ī gum hasīñ nazāroñ meñ

chhū ke dāman ko chhoḌte hī nahīñ

kitnī apnā.iyat hai ḳhāroñ meñ

maiñ bhī vaasī kisī chaman kā huuñ

mujh ko rakh phūloñ kī qatāroñ meñ

kaisā badlā hai gulsitāñ kā nizām

dekhtā huuñ ḳhizāñ bahāroñ meñ

aag meñ aaj kis ko jhoñkā gayā

phuul khilne lage sharāroñ meñ

kyoñ haqārat se dekhte ho hameñ

the kabhī ham bhī tājdāroñ meñ

jab se dil us ne merā toḌ diyā

be-sukūñ rahtā hai bahāroñ meñ

Dar hai shāyad unheñ zamāne kā

baat karte haiñ jo ishāroñ meñ

kis ne pūchhā hai hāl-e-dil 'rizvān'

chain aayā hai be-qarāroñ meñ

chand ho jis tarah sitaron mein

munfarid hai wo mah-paron mein

jo bhi uTThi nigah teri taraf

ho gai gum hasin nazaron mein

chhu ke daman ko chhoDte hi nahin

kitni apnaiyat hai KHaron mein

main bhi wasi kisi chaman ka hun

mujh ko rakh phulon ki qataron mein

kaisa badla hai gulsitan ka nizam

dekhta hun KHizan bahaaron mein

aag mein aaj kis ko jhonka gaya

phul khilne lage shararon mein

kyon haqarat se dekhte ho hamein

the kabhi hum bhi tajdaron mein

jab se dil us ne mera toD diya

be-sukun rahta hai bahaaron mein

Dar hai shayad unhen zamane ka

baat karte hain jo ishaaron mein

kis ne puchha hai haal-e-dil 'rizwan'

chain aaya hai be-qararon mein