chand ki apni kahani raat ka qissa alag

chāñd kī apnī kahānī raat kā qissa alag

dāstān-e-ishq meñ hai tajraba sab kā alag

ajnabī ham aaj se haiñ par safar to hai vahī

sirf kah dene se hotā hai kahīñ rasta alag

ek lamha bas vahī hai aur baaqī kuchh nahīñ

zindagī saarī alag aur vasl kā lamha alag

raushnī dīpak kī sūraj chāñd kī apnī jagah

nuur se raushan tire māthe kā ye Tiikā alag

ishq ke bīmār par saarī davā.eñ be-asar

chāra-gar us kī davā kā hai zarā nusḳha alag

chalte chalte aap ne dekhā thā ham ko bas yuuñ hī

shahr meñ us din se apnā ho gayā rutba alag

chand ki apni kahani raat ka qissa alag

dastan-e-ishq mein hai tajraba sab ka alag

ajnabi hum aaj se hain par safar to hai wahi

sirf kah dene se hota hai kahin rasta alag

ek lamha bas wahi hai aur baqi kuchh nahin

zindagi sari alag aur wasl ka lamha alag

raushni dipak ki suraj chand ki apni jagah

nur se raushan tere mathe ka ye Tika alag

ishq ke bimar par sari dawaen be-asar

chaara-gar us ki dawa ka hai zara nusKHa alag

chalte chalte aap ne dekha tha hum ko bas yun hi

shahr mein us din se apna ho gaya rutba alag