چاند کی جب سے ضرورت ہو گئی

چاند کی جب سے ضرورت ہو گئی

زندگی تب سے مصیبت ہو گئی

ہچکیاں آنے کا ہے شاید سبب

ان کی دل پر بھی حکومت ہو گئی

ان کی آنکھیں نم ہیں میرے واسطے

میرے زخموں کی بھی عزت ہو گئی

درد و غم بڑھتے گئے کچھ اس طرح

دل پہ ان کی بادشاہت ہو گئی

بک رہا ایمان بھی اس شہر میں

گم یقیناً ہی شرافت ہو گئی

جب سے رشتہ خون کے بکھرے میرے

دل کے زخموں میں بھی برکت ہو گئی

چار چھ غزلیں دھرمؔ نے کیا کہیں

یہ مرے رب کی عنایت ہو گئی