chand ki kashti saji hai aur main

chāñd kī kashtī sajī hai aur maiñ

jhiil hai ik jal-parī hai aur maiñ

lau diye kī siskiyāñ letī huī

TimTimātī raushnī hai aur maiñ

dhuup qarnoñ kī masāfat se niDhāl

tez lamhoñ kī nadī hai aur maiñ

gosh-bar-āvāz haiñ dīvār-o-dar

be-vazāhat naġhmagī hai aur maiñ

phir usī āvāz kā mauhūm aks

phir vahī harf-e-ḳhafī hai aur maiñ

ilm kā sahrā hai tā-hadd-e-nazar

ik musalsal tishnagī hai aur maiñ

phir vahī be-nām pāgal ḳhvāhisheñ

phir vahī andhī galī hai aur maiñ

bikhre bikhre ḳhvāb haiñ mere liye

reza reza zindagī hai aur maiñ

niiñd se bojhal haiñ palkeñ raat kī

ik adhūrī Diary hai aur maiñ

chand ki kashti saji hai aur main

jhil hai ek jal-pari hai aur main

lau diye ki siskiyan leti hui

TimTimati raushni hai aur main

dhup qarnon ki masafat se niDhaal

tez lamhon ki nadi hai aur main

gosh-bar-awaz hain diwar-o-dar

be-wazahat naghmagi hai aur main

phir usi aawaz ka mauhum aks

phir wahi harf-e-KHafi hai aur main

ilm ka sahra hai ta-hadd-e-nazar

ek musalsal tishnagi hai aur main

phir wahi be-nam pagal KHwahishen

phir wahi andhi gali hai aur main

bikhre bikhre KHwab hain mere liye

reza reza zindagi hai aur main

nind se bojhal hain palken raat ki

ek adhuri Diary hai aur main