چاند نکلا گگن میں کیا کیا کچھ
چاند نکلا گگن میں کیا کیا کچھ
درد چمکا بدن میں کیا کیا کچھ
چاند سورج زمین سیارے
ڈھل رہے ہیں سخن میں کیا کیا کچھ
دشت میداں ندی پہاڑ گپھا
ہے اسی اک بدن میں کیا کیا کچھ
نام اس کا زباں پر آتے ہی
گدگدایا بدن میں کیا کیا کچھ
کون آیا برائے سیر چمن
پھول مہکے چمن میں کیا کیا کچھ
شاخ پر آشیاں کے بنتے ہی
برق چمکی گگن میں کیا کیا کچھ
پھر لگے زخم تیغ ابرو کے
پھول مہکے بدن میں کیا کیا کچھ
ایک تم ہی نہیں ادیب نیازؔ
ہم بھی ہیں علم و فن میں کیا کیا کچھ
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
