chand se apni yari thi

chāñd se apnī yaarī thī

zulmat bhī ujyālī thī

chīḳh thī dil ke gumbad meñ

hoñToñ par ḳhāmoshī thī

ek anokhā anubhau thā

ghaḌī milan kī nyārī thī

TuuTī kashtī patthar ret

sāmne sūkhī naddī thī

din meñ taare dekhe the

anhonī bhī honī thī

sāhil par thī aag hī aag

dariyā meñ tuġhyānī thī

hadd-e-nazar tak sahrā thā

sar par dhuup balā kī thī

lafz the sab pāyāb magar

baat nihāyat gahrī thī

'ābid' nā-mumkin thī jiit

vaqt kī chaal hī aisī thī

chand se apni yari thi

zulmat bhi ujyali thi

chiKH thi dil ke gumbad mein

honTon par KHamoshi thi

ek anokha anubhau tha

ghaDi milan ki nyari thi

TuTi kashti patthar ret

samne sukhi naddi thi

din mein tare dekhe the

anhoni bhi honi thi

sahil par thi aag hi aag

dariya mein tughyani thi

hadd-e-nazar tak sahra tha

sar par dhup bala ki thi

lafz the sab payab magar

baat nihayat gahri thi

'abid' na-mumkin thi jit

waqt ki chaal hi aisi thi