chand se pyar sitaron se shanasai bhi

chāñd se pyaar sitāroñ se shanāsā.ī bhī

ham ne dekhī hai ġham-e-dost kī rusvā.ī bhī

jalva-e-shahr-e-nigār aur nikhar aur sañvar

ham meñ dīvāne bhī maujūd haiñ saudā.ī bhī

jalva-e-shahr-e-nigār aur nikhar aur sañvar

ham meñ dīvāne bhī maujūd haiñ saudā.ī bhī

zehn meñ yuuñ tirī yādoñ ke nashe lahrā.e

ban gayā giit sukūt-e-shab-e-tanhā.ī bhī

aao phir lahja-e-gul meñ koī afsāna kaheñ

salb hotī hai kahīñ quvvat-e-goyā.ī bhī

ai ġham-e-dost tirā kaise burā chāheñge

jin se dekhī na ga.ī ġhair kī rusvā.ī bhī

hai vahī qāfila-e-fikr-o-nazar aur 'urūj'

zindagī shāh-nashīnoñ se utar aa.ī bhī

chand se pyar sitaron se shanasai bhi

hum ne dekhi hai gham-e-dost ki ruswai bhi

jalwa-e-shahr-e-nigar aur nikhar aur sanwar

hum mein diwane bhi maujud hain saudai bhi

jalwa-e-shahr-e-nigar aur nikhar aur sanwar

hum mein diwane bhi maujud hain saudai bhi

zehn mein yun teri yaadon ke nashe lahrae

ban gaya git sukut-e-shab-e-tanhai bhi

aao phir lahja-e-gul mein koi afsana kahen

salb hoti hai kahin quwwat-e-goyai bhi

ai gham-e-dost tera kaise bura chahenge

jin se dekhi na gai ghair ki ruswai bhi

hai wahi qafila-e-fikr-o-nazar aur 'uruj'

zindagi shah-nashinon se utar aai bhi