chand tak apni nazar ka har safar achchha laga

chāñd tak apnī nazar kā har safar achchhā lagā

yuuñ falak kā ḳhvāb apnī aañkh par achchhā lagā

hai bahut dushvāriyāñ be-intihā haiñ imtihāñ

bāvajūd is ke bhī jīvan kā safar achchhā lagā

jo milī un se nazar ki luT gayā merā sukūn

aur hameñ nuqsān kā haañ ye bhī dar achchhā lagā

hoshiyārī hai nahīñ kirdār meñ us shaḳhs ke

vo hameñ chālākiyoñ se be-ḳhabar achchhā lagā

thā pata ye be-niyāzī lā.egī un ko qarīb

dekh kar tajvīz hotī kārgar achchhā lagā

hausla kam thā magar thā āsmāñ jab sāmne

khol denā mujh ko apne aaj par achchhā lagā

chand tak apni nazar ka har safar achchha laga

yun falak ka KHwab apni aankh par achchha laga

hai bahut dushwariyan be-intiha hain imtihan

bawajud is ke bhi jiwan ka safar achchha laga

jo mili un se nazar ki luT gaya mera sukun

aur hamein nuqsan ka han ye bhi dar achchha laga

hoshiyari hai nahin kirdar mein us shaKHs ke

wo hamein chaalakiyon se be-KHabar achchha laga

tha pata ye be-niyazi laegi un ko qarib

dekh kar tajwiz hoti kargar achchha laga

hausla kam tha magar tha aasman jab samne

khol dena mujh ko apne aaj par achchha laga