chandni mein saya-ha-e-kaKH-o-ku mein ghumiye

chāñdnī meñ sāya-hā-e-kāḳh-o-kū meñ ghūmiye

phir kisī ko chāhne kī aarzū meñ ghūmiye

shāyad ik bhūlī tamannā miTte miTte jī uThe

aur bhī is jalva-zār-e-rañg-o-bū meñ ghūmiye

ruuh ke darbasta sannāToñ ko le kar apne saath

hamhamātī mahfiloñ kī hāo-hū meñ ghūmiye

kyā ḳhabar kis moḌ par mahjūr yādeñ aa mileñ

ghūmtī rāhoñ pe gard-e-ārzū meñ ghūmiye

zindagī kī rāhateñ miltī nahīñ miltī nahīñ

zindagī kā zahr pī kar justujū meñ ghūmiye

kunj-daurāñ ko na.e ik zāviye se dekhiye

jin ḳhalāoñ meñ nirāle chāñd ghūmeñ ghūmiye

chandni mein saya-ha-e-kaKH-o-ku mein ghumiye

phir kisi ko chahne ki aarzu mein ghumiye

shayad ek bhuli tamanna miTte miTte ji uThe

aur bhi is jalwa-zar-e-rang-o-bu mein ghumiye

ruh ke darbasta sannaTon ko le kar apne sath

hamhamati mahfilon ki hao-hu mein ghumiye

kya KHabar kis moD par mahjur yaaden aa milen

ghumti rahon pe gard-e-arzu mein ghumiye

zindagi ki rahaten milti nahin milti nahin

zindagi ka zahr pi kar justuju mein ghumiye

kunj-dauran ko nae ek zawiye se dekhiye

jin KHalaon mein nirale chand ghumen ghumiye