chandni raat mein taron ki kahani likkhi

chāñdnī raat meñ tāroñ kī kahānī likkhī

jalva-e-jānāñ kī har ek nishānī likkhī

ho ke hāsil na huī aisī siyānī likkhī

tum ko ik hājat-e-nākām zabānī likkhī

maiñ ne har vaqt nayā dard sahejā dil meñ

us ne afsos mirī baat purānī likkhī

sāmne aa gayā duniyā ke mohabbat kā bharam

baat jab niklī to apnī hī javānī likkhī

narm-o-nāzuk lab-o-lahja vo talaffuz kī miThās

har kahānī meñ yahī tarz-e-bayānī likkhī

lafz ḳhāmosh hai ashkoñ kā labāda oḌhe

mauj-e-dariyā kī nahīñ ham ne ravānī likkhī

kab se likkhā hī nahīñ kuchh bhī qalam se mere

likhne baiThā to tirī merī kahānī likkhī

hāl-e-dil apnā koī dūsrā likhtā kyūñ-kar

dāstāñ apnī thī so apnī zabānī likkhī

chandni raat mein taron ki kahani likkhi

jalwa-e-jaanan ki har ek nishani likkhi

ho ke hasil na hui aisi siyani likkhi

tum ko ek hajat-e-nakaam zabani likkhi

main ne har waqt naya dard saheja dil mein

us ne afsos meri baat purani likkhi

samne aa gaya duniya ke mohabbat ka bharam

baat jab nikli to apni hi jawani likkhi

narm-o-nazuk lab-o-lahja wo talaffuz ki miThas

har kahani mein yahi tarz-e-bayani likkhi

lafz KHamosh hai ashkon ka labaada oDhe

mauj-e-dariya ki nahin hum ne rawani likkhi

kab se likkha hi nahin kuchh bhi qalam se mere

likhne baiTha to teri meri kahani likkhi

haal-e-dil apna koi dusra likhta kyun-kar

dastan apni thi so apni zabani likkhi