chaqu se mohabbat ki ragen kaT raha hai

chāqū se mohabbat kī rageñ kaaT rahā hai

sunte haiñ ki vo ishq meñ nākām huā hai

pīchhe tire ai shoḳh-nazar husn ke paikar

ik shaḳhs nahīñ saarā zamāna hī paḌā hai

yāroñ ne mire aah kahīñ kā nahīñ chhoḌā

Thokar jo lagī mujh ko to andāza huā hai

vo haal jo añgrezoñ ne bhārat kā kiyā thā

kuchh haal vahī ishq ne ab merā kiyā hai

raste ke har ik ḳhatre se bachte hue ik din

manzil pe mirā qāfila pahuñchā to luTā hai

vo bāñjh zamīñ jis ko kisī ne nahīñ pūchhā

'jālib' ne use sīñch ke shādāb kiyā hai

chaqu se mohabbat ki ragen kaT raha hai

sunte hain ki wo ishq mein nakaam hua hai

pichhe tere ai shoKH-nazar husn ke paikar

ek shaKHs nahin sara zamana hi paDa hai

yaron ne mere aah kahin ka nahin chhoDa

Thokar jo lagi mujh ko to andaza hua hai

wo haal jo angrezon ne bhaarat ka kiya tha

kuchh haal wahi ishq ne ab mera kiya hai

raste ke har ek KHatre se bachte hue ek din

manzil pe mera qafila pahuncha to luTa hai

wo banjh zamin jis ko kisi ne nahin puchha

'jalib' ne use sinch ke shadab kiya hai