chaar pal bhi jo guzar jate hain man-mani ke sath

chaar pal bhī jo guzar jaate haiñ man-mānī ke saath

'umr saarī phir to kaT jaatī hai āsānī ke saath

zehniyat meñ phañs ga.ī to hogī bojhal zindagī

hai maza is kā bhī aslī sirf nādānī ke saath

koshisheñ karnā hamārā hai 'amal karte bhī haiñ

par miTī hai kab likhī tahrīr peshānī ke saath

dostī yā dushmanī bhī ho parakh kar aadmī

kījiye talvār-bāzī mat kabhī paanī ke saath

raunaqeñ aur raushnī to shahr ke haiñ choñchle

jangaloñ kī hai guzar jaatī bayābānī ke saath

ḳhair-maqdam ham dukhoñ kā bhī kiyā karte 'anā'

ham na vo jo zindagī Dhoī pareshānī ke saath

chaar pal bhi jo guzar jate hain man-mani ke sath

'umr sari phir to kaT jati hai aasani ke sath

zehniyat mein phans gai to hogi bojhal zindagi

hai maza is ka bhi asli sirf nadani ke sath

koshishen karna hamara hai 'amal karte bhi hain

par miTi hai kab likhi tahrir peshani ke sath

dosti ya dushmani bhi ho parakh kar aadmi

kijiye talwar-bazi mat kabhi pani ke sath

raunaqen aur raushni to shahr ke hain chonchle

jangalon ki hai guzar jati bayabani ke sath

KHair-maqdam hum dukhon ka bhi kiya karte 'ana'

hum na wo jo zindagi Dhoi pareshani ke sath