chaar samton mein nazar rakhta hun main chaaron par

chaar samtoñ meñ nazar rakhtā huuñ maiñ chāroñ par

tiir kab lauT ke ā.eñge kamāñ-dāroñ par

sub.h uTThe to qadam ko.elā the aur ham the

niiñd meñ chalte rahe hijr ke añgāroñ par

dāstāñ meñ jahāñ ik dā.imī din hotā thā

ab vahāñ shaam utar aatī hai kirdāroñ par

naqsh-e-ibrat kā sab asbāb uThāyā ḳhud hī

ham ne ye kaam bhī chhoḌā unhīñ dīvāroñ par

sāya-dārī kī rivāyat bhī kahāñ aa pahuñchī

mauj-e-ḳhūñ chhāñv kiye rakhtī hai talvāroñ par

ab khulā ḳhvāb meñ kuchh ḳhvāb milātā thā maiñ

ḳhaak uḌātā thā maiñ sayyāroñ kī sayyāroñ par

raat ke TūTte tāroñ meñ hameñ rakhā gayā

hameñ parkhā gayā girte hue me.ayāroñ par

chaar samton mein nazar rakhta hun main chaaron par

tir kab lauT ke aaenge kaman-daron par

subh uTThe to qadam koela the aur hum the

nind mein chalte rahe hijr ke angaron par

dastan mein jahan ek daimi din hota tha

ab wahan sham utar aati hai kirdaron par

naqsh-e-ibrat ka sab asbab uThaya KHud hi

hum ne ye kaam bhi chhoDa unhin diwaron par

saya-dari ki riwayat bhi kahan aa pahunchi

mauj-e-KHun chhanw kiye rakhti hai talwaron par

ab khula KHwab mein kuchh KHwab milata tha main

KHak uData tha main sayyaron ki sayyaron par

raat ke TuTte taron mein hamein rakha gaya

hamein parkha gaya girte hue meayaron par