chaaron taraf KHala mein hai gahra ghubar sa
chāroñ taraf ḳhalā meñ hai gahrā ġhubār sā
phir bhī kahīñ pe hai yūñhī kuchh āshkār sā
kyā phūTtā hai dil kī zamīñ se ba-rañg-e-ġham
kyā tairtā hai aañkh meñ naqsh-e-bahār sā
bikhre haiñ mere gird nishān-e-qadam mire
khīñchā hai maiñ ne apne liye bhī hisār sā
fursat jo ho to khul ke baras merī ḳhaak par
ban jā.ūñ maiñ bhī ek shajar sāya-dār sā
tanhā daraḳht maiñ bhī huuñ us ke kanār meñ
vo bhī mire qarīb hai ik jūebār sā
'ishrat' udaas taaq pe ye zard-rū charāġh
tanhā.iyoñ meñ merī hai ik ġham-gusār sā
chaaron taraf KHala mein hai gahra ghubar sa
phir bhi kahin pe hai yunhi kuchh aashkar sa
kya phuTta hai dil ki zamin se ba-rang-e-gham
kya tairta hai aankh mein naqsh-e-bahaar sa
bikhre hain mere gird nishan-e-qadam mere
khincha hai main ne apne liye bhi hisar sa
fursat jo ho to khul ke baras meri KHak par
ban jaun main bhi ek shajar saya-dar sa
tanha daraKHt main bhi hun us ke kanar mein
wo bhi mere qarib hai ek juebar sa
'ishrat' udas taq pe ye zard-ru charagh
tanhaiyon mein meri hai ek gham-gusar sa
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
