chahaar samt se kal tak jo ghar damakta tha

chahār samt se kal tak jo ghar damaktā thā

ham aaj sair ko nikle to bas ḳharāba thā

na jaane kis liye āñkheñ dikhā.īñ sūraj ne

hamārī ā.ankhoñ ne bas ḳhvāb hī to māñgā thā

daraḳht gahre tanaffus meñ haiñ larazte haiñ

savār abr liye bijliyoñ kā koḌā thā

hamāre haath meñ TuuTā huā hai ā.īna

sarāpā thā to bhalā kaisā vo sarāpā thā

uThā.e phirte the shānoñ pe aap apnī laash

vo log kaun the kyā jurm un kā Thahrā thā

chahaar samt se kal tak jo ghar damakta tha

hum aaj sair ko nikle to bas KHaraba tha

na jaane kis liye aankhen dikhain suraj ne

hamari aaankhon ne bas KHwab hi to manga tha

daraKHt gahre tanaffus mein hain larazte hain

sawar abr liye bijliyon ka koDa tha

hamare hath mein TuTa hua hai aaina

sarapa tha to bhala kaisa wo sarapa tha

uThae phirte the shanon pe aap apni lash

wo log kaun the kya jurm un ka Thahra tha