chain milta kahan hai satae baghair

chain miltā kahāñ hai satā.e baġhair

baaz aate nahīñ vo rulā.e baġhair

tīrgī kab miTī hai miTā.e baġhair

raushnī kab huī dil jalā.e baġhair

ek vā'da vafā na kiyā aap ne

ḳhvāb meñ roz aa.e bulā.e baġhair

denī paḌtī hai qurbāniyāñ har qadam

rishte nibhte nahīñ haiñ nibhā.e baġhair

tum bulāoge to sar ke bal ā.eñge

ghar ḳhudā ke na jaa.eñ bulā.e baġhair

is tarah guftugū un kī āñkhoñ ne kī

lafz hī mar ga.e kuchh batā.e baġhair

sāniha na kaheñ to kaheñ kyā 'asar'

chal diye zindagī se batā.e baġhair

chain milta kahan hai satae baghair

baz aate nahin wo rulae baghair

tirgi kab miTi hai miTae baghair

raushni kab hui dil jalae baghair

ek wa'da wafa na kiya aap ne

KHwab mein roz aae bulae baghair

deni paDti hai qurbaniyan har qadam

rishte nibhte nahin hain nibhae baghair

tum bulaoge to sar ke bal aaenge

ghar KHuda ke na jaen bulae baghair

is tarah guftugu un ki aankhon ne ki

lafz hi mar gae kuchh batae baghair

saniha na kahen to kahen kya 'asar'

chal diye zindagi se batae baghair