chain milta nahin ghar mein bhi qayamat kya hai

chain miltā nahīñ ghar meñ bhī qayāmat kyā hai

uTh ke sau baar maiñ baiThā huuñ ye vahshat kyā hai

us se be-mehrī-o-furqat kī shikāyat kyā hai

jis ko ye bhī nahīñ mālūm mohabbat kyā hai

pī ke ik jaam jo behosh banā hai zī-hosh

mai kī tāsīr hai saaqī kī karāmat kyā hai

vaj.h-e-āzār hai ḳhud jin ke liye tūl-e-hayāt

un ko andesha-e-shām-o-shab-e-furqat kyā hai

dījiye hukm to bīmār kī mushkil hal ho

kaam kar legī ajal aap ko zahmat kyā hai

haal isyāñ kā gunahgār bayāñ kar deñge

un se pūchhegī jo aa kar tirī rahmat kyā hai

maut se kahte haiñ vo jā ke kabhī dekh to aa

mere bīmār-e-shab-e-hijr kī hālat kyā hai

aap kyā jāneñ guzartī hai jo is par shab-o-roz

aap kyā jāneñ ki dil kī mire hālat kyā hai

gird-e-mai-ḳhāna lagātā hai hazāroñ chakkar

saaf kah ham se ki vaa.iz tirī niyyat kyā hai

taare gin gin ke shab-e-hijr guzar jaatī hai

niiñd dam bhar nahīñ aatī ye musībat kyā hai

shūmī-e-baḳht kī 'mas.ūd' ho kyā fikr mujhe

shukr har haal meñ lāzim hai shikāyat kyā he

chain milta nahin ghar mein bhi qayamat kya hai

uTh ke sau bar main baiTha hun ye wahshat kya hai

us se be-mehri-o-furqat ki shikayat kya hai

jis ko ye bhi nahin malum mohabbat kya hai

pi ke ek jam jo behosh bana hai zi-hosh

mai ki tasir hai saqi ki karamat kya hai

wajh-e-azar hai KHud jin ke liye tul-e-hayat

un ko andesha-e-sham-o-shab-e-furqat kya hai

dijiye hukm to bimar ki mushkil hal ho

kaam kar legi ajal aap ko zahmat kya hai

haal isyan ka gunahgar bayan kar denge

un se puchhegi jo aa kar teri rahmat kya hai

maut se kahte hain wo ja ke kabhi dekh to aa

mere bimar-e-shab-e-hijr ki haalat kya hai

aap kya jaanen guzarti hai jo is par shab-o-roz

aap kya jaanen ki dil ki mere haalat kya hai

gird-e-mai-KHana lagata hai hazaron chakkar

saf kah hum se ki waiz teri niyyat kya hai

tare gin gin ke shab-e-hijr guzar jati hai

nind dam bhar nahin aati ye musibat kya hai

shumi-e-baKHt ki 'masud' ho kya fikr mujhe

shukr har haal mein lazim hai shikayat kya he