chal diya naz zamane ke uThane wala

chal diyā naaz zamāne ke uThāne vaalā

saare ghar le gayā ghar chhoḌ ke jaane vaalā

aañkh pur-nam hai yahī soch ke ahl-e-dil kī

lauT kar ab nahīñ aa.egā hañsāne vaalā

baat to karte haiñ sab log vafā kī lekin

kis ne dekhā hai kahāñ par hai nibhāne vaalā

ab pareshān sā phirtā hai zamāne bhar meñ

zaḳhm-e-dil par mire tezāb lagāne vaalā

shukr-e-rab hai mirī phūloñ pe guzārī us ne

aag pe soyā hai bārūd bichhāne vaalā

ham ne dekhā hai shab-o-roz zamāne meñ 'sabīn'

surḳh-rū hotā hai sajdoñ ko sajāne vaalā

chal diya naz zamane ke uThane wala

sare ghar le gaya ghar chhoD ke jaane wala

aankh pur-nam hai yahi soch ke ahl-e-dil ki

lauT kar ab nahin aaega hansane wala

baat to karte hain sab log wafa ki lekin

kis ne dekha hai kahan par hai nibhane wala

ab pareshan sa phirta hai zamane bhar mein

zaKHm-e-dil par mere tezab lagane wala

shukr-e-rab hai meri phulon pe guzari us ne

aag pe soya hai barud bichhane wala

hum ne dekha hai shab-o-roz zamane mein 'sabin'

surKH-ru hota hai sajdon ko sajaane wala