chal KHud ko laTka kar dekhen phande se

chal ḳhud ko laTkā kar dekheñ phande se

vahm mujhe aksar aate haiñ gande se

baar uThānā sab ke bas kī baat nahīñ

kaḌ kaḌ āvāzeñ aatī haiñ kañdhe se

ham bhī lāshoñ ke is Dher kā hissa haiñ

kis ne paar kiye ambār buland aise

bhūke peT ko kāTeñge jab kāteñge

jīvan pahiya kab chaltā hai chande se

paḌh kar phir se mar jaate haiñ zinda log

qabroñ ko bheje jaate haiñ sandese

phūTe peḌ kī shah-rag se zañgārī dhaar

kaam chalāo aare se yā rande se

donoñ haiñ masrūf bahut mobile meñ

banda ab kyā baat karegā bande se

bas tan ko apnāte haiñ Thukrāte haiñ

ham ko kyā lenā dhan se aur dhande se

chal KHud ko laTka kar dekhen phande se

wahm mujhe aksar aate hain gande se

bar uThana sab ke bas ki baat nahin

kaD kaD aawazen aati hain kandhe se

hum bhi lashon ke is Dher ka hissa hain

kis ne par kiye ambar buland aise

bhuke peT ko kaTenge jab katenge

jiwan pahiya kab chalta hai chande se

paDh kar phir se mar jate hain zinda log

qabron ko bheje jate hain sandese

phuTe peD ki shah-rag se zangari dhaar

kaam chalao aare se ya rande se

donon hain masruf bahut mobile mein

banda ab kya baat karega bande se

bas tan ko apnate hain Thukraate hain

hum ko kya lena dhan se aur dhande se