chalae kis qadar banjar zaminon mein bhi hal humne

chalā.e kis qadar banjar zamīnoñ meñ bhī hal ham ne

magar qīmat to dekho aaj tak paayā na phal ham ne

nahīñ hone diyā dushman ko maqsad meñ saphal ham ne

nikālā achchhe achchhe sūrmāoñ tak kā bal ham ne

samajh meñ aaj aa.ī daad dene ghar pe aa.e the

ik arsa ho gayā un ko sunā.ī thī hazal ham ne

tabī.at mauj par aa.ī to bas ġhota lagā Daalā

nadī-nālā nahīñ dekhā na kuchh mauqa.a-mahal ham ne

dabā kar dum vo ulTe paañv bhāgā aur andar ko

adū se jab kahā lalkār kar bāhar nikal ham ne

sañbhālā chūlhā chakkī aur barsoñ phāliyāñ dhoīñ

magar Daalā nahīñ ik din bhī peshānī pe bal ham ne

vo ham ko jhoñpḌī meñ chain se rahne nahīñ dete

vahī jin ke liye banvā diye dil-kash mahal ham ne

chalae kis qadar banjar zaminon mein bhi hal hum ne

magar qimat to dekho aaj tak paya na phal hum ne

nahin hone diya dushman ko maqsad mein saphal hum ne

nikala achchhe achchhe surmaon tak ka bal hum ne

samajh mein aaj aai dad dene ghar pe aae the

ek arsa ho gaya un ko sunai thi hazal hum ne

tabiat mauj par aai to bas ghota laga Dala

nadi-nala nahin dekha na kuchh mauqa-mahal hum ne

daba kar dum wo ulTe panw bhaga aur andar ko

adu se jab kaha lalkar kar bahar nikal hum ne

sanbhaala chulha chakki aur barson phaaliyan dhoin

magar Dala nahin ek din bhi peshani pe bal hum ne

wo hum ko jhonpDi mein chain se rahne nahin dete

wahi jin ke liye banwa diye dil-kash mahal hum ne