aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

chale but-KHane ko KHuda-hafiz

Khwaja Mohammad Wazir

chale but-KHane ko KHuda-hafiz

Khwaja Mohammad Wazir

MORE BYKhwaja Mohammad Wazir

    chale but-ḳhāne ko ḳhudā-hāfiz

    tum bhī zāhid kaho ḳhudā-hāfiz

    tere kūche se pech uThā ke chale

    gesū-e-mushkbū ḳhudā-hāfiz

    dam-e-īsā se bhī shifā na huī

    lo bas ai hamdamo ḳhudā-hāfiz

    hai bahut zūd-ranj dil merā

    yaar hai tund-ḳhū ḳhudā-hāfiz

    us sanam ko ḳhudā kahūñ na kahūñ

    hai suḳhan gū-magū ḳhudā-hāfiz

    dil ko but-ḳhāna kar ke ka.abe chale

    zāhido zāhido ḳhudā-hāfiz

    hai firañgan ke gore haath meñ dil

    jaan sāhibo ḳhudā-hāfiz

    dair se misl-e-nāla-e-nāqūs

    jaate haiñ ai buto ḳhudā-hāfiz

    baat bhī to ye kahā shab-e-vasl

    jaa.eñ ham tum kaho ḳhudā-hāfiz

    shah-e-ḳhūbāñ ke ġham meñ jaan chalī

    ai 'vazīr' ab kaho ḳhudā-hāfiz

    chale but-KHane ko KHuda-hafiz

    tum bhi zahid kaho KHuda-hafiz

    tere kuche se pech uTha ke chale

    gesu-e-mushkbu KHuda-hafiz

    dam-e-isa se bhi shifa na hui

    lo bas ai hamdamo KHuda-hafiz

    hai bahut zud-ranj dil mera

    yar hai tund-KHu KHuda-hafiz

    us sanam ko KHuda kahun na kahun

    hai suKHan gu-magu KHuda-hafiz

    dil ko but-KHana kar ke kabe chale

    zahido zahido KHuda-hafiz

    hai firangan ke gore hath mein dil

    jaan ka sahibo KHuda-hafiz

    dair se misl-e-nala-e-naqus

    jate hain ai buto KHuda-hafiz

    baat bhi ki to ye kaha shab-e-wasl

    jaen hum tum kaho KHuda-hafiz

    shah-e-KHuban ke gham mein jaan chali

    ai 'wazir' ab kaho KHuda-hafiz

    Source:

    Daftar-e-Fasahat (Pg. ebook-111 page-95)

    • Author: Khwaja Mohammad Wazir
      • Edition: 1847
      • Publisher: Matba Mustafai, Lucknow
      • Year of Publication: 1847

    Tagged Under

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now