chale hae dam bhar ko mehman ho kar

Jaleel Manikpuri

chale hae dam bhar ko mehman ho kar

Jaleel Manikpuri

MORE BY Jaleel Manikpuri

    chale haa.e dam bhar ko mehmān ho kar

    mujhe maar Daalā mirī jaan ho kar

    ye sūrat huī hai ki ā.īna pahroñ

    mire muñh ko taktā hai hairān ho kar

    javāñ hote le uḌā husn tum ko

    parī ho ga.e tum to insān ho kar

    bigaḌne meñ zulf-e-rasā ban aa.ī

    liye ruḳh ke bose pareshān ho kar

    karam meñ maza hai sitam meñ adā hai

    maiñ raazī huuñ jo tujh ko āsān ho kar

    judā sar huā par hue ham na halke

    rahī teġh gardan par ehsān ho kar

    na āḳhir bachā parda-e-rāz-e-dushman

    huā chaak merā garebān ho kar

    havās aate jaate rahe roz-e-vāda

    tirī yaad ho kar mirī jaan ho kar

    butoñ ko jagah dil meñ dete ho tauba

    'jalīl' aisī bāteñ musalmān ho kar

    chale hae dam bhar ko mehman ho kar

    mujhe mar Dala meri jaan ho kar

    ye surat hui hai ki aaina pahron

    mere munh ko takta hai hairan ho kar

    jawan hote hi le uDa husn tum ko

    pari ho gae tum to insan ho kar

    bigaDne mein zulf-e-rasa ki ban aai

    liye ruKH ke bose pareshan ho kar

    karam mein maza hai sitam mein ada hai

    main raazi hun jo tujh ko aasan ho kar

    juda sar hua par hue hum na halke

    rahi tegh gardan par ehsan ho kar

    na aaKHir bacha parda-e-raaz-e-dushman

    hua chaak mera gareban ho kar

    hawas aate jate rahe roz-e-wada

    teri yaad ho kar meri jaan ho kar

    buton ko jagah dil mein dete ho tauba

    'jalil' aisi baaten musalman ho kar

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY