chale jaana magar sun lo mere dil mein ye hasrat hai

chale jaanā magar sun lo mire dil meñ ye hasrat hai

faqat ik baar hī kah do hameñ tum se mohabbat hai

ye mausam bhī suhānā hai tirī yādoñ ke mele haiñ

tire bin ek bhī lamha bitā lenā qayāmat hai

burā kahtā hai mujh ko ye zamāna maiñ ne maanā hai

na jaane kyuuñ use tujh se nahīñ koī shikāyat hai

achānak yuuñ jo mujh se bad-gumāñ tū ho gayā hamdam

mujhe lagtā hai ye mere raqīboñ kī sharārat hai

nahīñ koī ḳhatā merī vo phir bhī zaḳhm dete haiñ

maiñ huuñ bīmar-e-ulfat bas davā merī mohabbat hai

rahe kab tak bhalā mahtāb tanhā.ī ke aalam meñ

ki ab to aa bhī jā us ko faqat terī zarūrat hai

chale jaana magar sun lo mere dil mein ye hasrat hai

faqat ek bar hi kah do hamein tum se mohabbat hai

ye mausam bhi suhana hai teri yaadon ke mele hain

tere bin ek bhi lamha bita lena qayamat hai

bura kahta hai mujh ko ye zamana main ne mana hai

na jaane kyun use tujh se nahin koi shikayat hai

achanak yun jo mujh se bad-guman tu ho gaya hamdam

mujhe lagta hai ye mere raqibon ki shararat hai

nahin koi KHata meri wo phir bhi zaKHm dete hain

main hun bimar-e-ulfat bas dawa meri mohabbat hai

rahe kab tak bhala mahtab tanhai ke aalam mein

ki ab to aa bhi ja us ko faqat teri zarurat hai